എസ്എസ്എല്സി പരീക്ഷാ ഫലം ഇന്ന് പ്രഖ്യാപിക്കും. ഉച്ചയ്ക്ക് മൂന്ന് മണിക്ക് പൊതുവിദ്യാഭ്യാസ പ്രിന്സിപ്പല് സെക്രട്ടറിയാണ് ഫലം ഔദ്യോഗികമായി പുറത്തുവിടുന്നത്. ഇത്തവണത്തെ പ്രത്യേകത എന്തെന്നാല്, വകുപ്പ് മന്ത്രിയല്ല ഫലം പ്രഖ്യാപിക്കുന്നത് എന്നതാണ്. സംസ്ഥാനത്തെ 4.17 ലക്ഷം വിദ്യാര്ഥികളാണ് ആകാംക്ഷയോടെ ഫലത്തിനായി കാത്തിരിക്കുന്നത്.
പരീക്ഷാ ഫലം സര്ക്കാരിന്റെ ഔദ്യോഗിക വെബ്സൈറ്റുകള് വഴി ലഭ്യമാകും. പരീക്ഷയില് വിജയിക്കാത്തവര്ക്കായി ഈ മാസം അവസാനം തന്നെ 'സേ' (SAY) പരീക്ഷ എഴുതാനുള്ള സൗകര്യവും ഒരുക്കുന്നുണ്ട്. ജൂണ് ആദ്യ വാരത്തോടെ പ്ലസ് വണ് പ്രവേശന നടപടികള് ആരംഭിക്കാനാണ് വിദ്യാഭ്യാസ വകുപ്പ് ലക്ഷ്യമിടുന്നത്. കഴിഞ്ഞ വര്ഷം 99.5 ശതമാനമായിരുന്നു വിജയശതമാനം.
പുതിയ വിദ്യാഭ്യാസ മന്ത്രി ചുമതലയേല്ക്കുന്നതിന് മുമ്പ് ഫലം പ്രഖ്യാപിക്കണമെന്ന നിര്ദേശം കെപിസിസി മുന്നോട്ടുവെച്ചിരുന്നു. അതേസമയം, ഇത്തവണത്തെ പരീക്ഷാ ഫലത്തില് എ പ്ലസ് ലഭിക്കുന്ന വിദ്യാര്ഥികളുടെ എണ്ണത്തില് കുറവുണ്ടാകാൻ സാധ്യതയുണ്ടെന്ന സൂചനകളും പുറത്തുവരുന്നുണ്ട്.
Photo and News Source: Siraj Live
