ഇടുക്കി ജില്ലയിലെ ദേവികുളം ബ്ലോക്കുകളിലേക്ക് മൃഗസംരക്ഷണ വകുപ്പ് പാരാവെറ്റ് തസ്തികയിലേക്ക് കരാർ അടിസ്ഥാനത്തിൽ നിയമനം നടത്തുന്നു. യോഗ്യരായ ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു.
അപേക്ഷകർ വി.എച്ച്.എസ്.ഇ (VHSE) ലൈവ്സ്റ്റോക്ക്, ഡയറി അല്ലെങ്കിൽ പൗൾട്രി മാനേജ്മെന്റ് കോഴ്സ് പാസായിരിക്കണം. ഇതിനു പുറമെ, കേരള വെറ്ററിനറി ആന്റ് ആനിമൽ സയൻസസ് യൂണിവേഴ്സിറ്റിയിൽ നിന്നുള്ള ആറ് മാസത്തെ വെറ്ററിനറി ലബോറട്ടറി ടെക്നിക്സ്, ഫാർമസി, നഴ്സിംഗ് സ്റ്റെപ്പന്റിയറി ട്രെയിനിംഗ് സർട്ടിഫിക്കറ്റ് നിർബന്ധമാണ്.
മേൽപ്പറഞ്ഞ യോഗ്യതയുള്ള ഉദ്യോഗാർത്ഥികളുടെ അഭാവത്തിൽ, വി.എച്ച്.എസ്.ഇ ലൈവ്സ്റ്റോക്ക്/ഡയറി/പൗൾട്രി മാനേജ്മെന്റ് കോഴ്സ് പാസായവരെയും, അല്ലെങ്കിൽ നാഷണൽ സ്കിൽ ക്വാളിഫിക്കേഷൻ ഫ്രെയിം വർക്ക് (NSQF) പ്രകാരം ഡയറി ഫാർമർ എന്റർപ്രണർ (DFE) / സ്മോൾ പൗൾട്രി ഫാർമർ എന്റർപ്രണർ (SPF) കോഴ്സ് പാസായവരെയും പരിഗണിക്കുന്നതാണ്.
അപേക്ഷകർക്ക് എൽ.എം.വി (LMV) ഡ്രൈവിംഗ് ലൈസൻസ് ഉണ്ടായിരിക്കേണ്ടത് അത്യാവശ്യമാണ്. താല്പര്യമുള്ള ഉദ്യോഗാർത്ഥികൾ മെയ് 15-ന് രാവിലെ 11 മണിക്ക് തൊടുപുഴ മങ്ങാട്ടുകവലയിലുള്ള ജില്ലാ മൃഗസംരക്ഷണ ഓഫീസിൽ യോഗ്യത തെളിയിക്കുന്ന അസ്സൽ രേഖകളുമായി നേരിട്ട് ഹാജരാകേണ്ടതാണ്.
Photo and News Source: Kerala Kaumudi
