പാചകവാതക സിലിണ്ടറുകളുടെ വിലയിലുണ്ടാകുന്ന തുടർച്ചയായ വർദ്ധനവ് സംസ്ഥാനത്തെ ഹോട്ടൽ മേഖലയെ വലിയ പ്രതിസന്ധിയിലാക്കിയിരിക്കുകയാണ്. ഈ സാഹചര്യം തുടർന്നാൽ വൻകിട, ചെറുകിട ഹോട്ടലുകൾ അടച്ചുപൂട്ടേണ്ടി വരുമെന്ന് കേരള ക്ലാസിഫൈഡ് ഹോട്ടൽസ് ആൻഡ് റിസോർട്ട്സ് അസോസിയേഷൻ സംസ്ഥാന പ്രസിഡന്റ് അഡ്വ. ജി. സുബോധൻ മുന്നറിയിപ്പ് നൽകി.
ഹോട്ടൽ വ്യവസായം നേരിടുന്ന ഈ ഗുരുതരമായ പ്രതിസന്ധി പരിഹരിക്കാൻ സർക്കാർ അടിയന്തരമായി ഇടപെടണമെന്ന് അദ്ദേഹം ആവശ്യപ്പെട്ടു. ജില്ലാ കളക്ടർമാരുടെ നേതൃത്വത്തിൽ തദ്ദേശ സ്വയംഭരണ സ്ഥാപനങ്ങളെ കേന്ദ്രീകരിച്ചും അല്ലാതെയും അടിയന്തര നടപടികൾ സ്വീകരിക്കാൻ ചീഫ് സെക്രട്ടറി മുൻകൈ എടുക്കണമെന്നാണ് അസോസിയേഷന്റെ ആവശ്യം.
വിലക്കയറ്റം മൂലം ഹോട്ടലുകളുടെ ദൈനംദിന പ്രവർത്തനം പോലും അസാധ്യമായി മാറിയിരിക്കുകയാണ്. ഈ സാഹചര്യത്തിൽ വ്യവസായത്തെ സംരക്ഷിക്കാനാവശ്യമായ നടപടികൾ സർക്കാർ തലത്തിൽ ഉടൻ ഉണ്ടാകണമെന്നും അദ്ദേഹം വ്യക്തമാക്കി.
Photo and News Source: Kerala Kaumudi
