ഈ വര്ഷത്തെ എസ്എസ്എല്സി പരീക്ഷാഫലം നാളെ വൈകിട്ട് മൂന്ന് മണിക്ക് ഔദ്യോഗികമായി പ്രഖ്യാപിക്കും. പരീക്ഷാ ബോര്ഡ് യോഗം ചേര്ന്ന് ഫലം അന്തിമമായി വിലയിരുത്തിയ ശേഷമാണ് പ്രഖ്യാപന തീയതി തീരുമാനിച്ചത്. ചീഫ് സെക്രട്ടറിയുടെ അനുമതി ലഭിച്ചതോടെയാണ് മെയ് 15-ന് തന്നെ ഫലം പുറത്തുവിടാന് അധികൃതര് തീരുമാനിച്ചത്.
സാധാരണയായി വിദ്യാഭ്യാസ മന്ത്രിയാണ് ഫലം പ്രഖ്യാപിക്കാറുള്ളതെങ്കിലും, നിലവിലെ രാഷ്ട്രീയ സാഹചര്യത്തില് പൊതുവിദ്യാഭ്യാസ ഡയറക്ടറും പ്രിന്സിപ്പല് സെക്രട്ടറിയും ചേര്ന്നായിരിക്കും ഫലപ്രഖ്യാപനം നടത്തുക. ഫലപ്രഖ്യാപനം വൈകുന്നത് വിദ്യാര്ഥികളുടെ ഉപരിപഠനത്തെയും പ്രവേശന നടപടികളെയും ബാധിക്കുമെന്ന ആശങ്ക ഉയര്ന്ന സാഹചര്യത്തില്, അധ്യാപക സംഘടനകളുടെ കൂടി ആവശ്യപ്രകാരമാണ് നടപടികള് വേഗത്തിലാക്കിയത്.
വിദ്യാര്ഥികള്ക്ക് www.results.kite.kerala.gov.in എന്ന ക്ലൗഡ് അധിഷ്ഠിത പോര്ട്ടല് വഴിയും 'Saphalam KITE' എന്ന മൊബൈല് ആപ്പ് വഴിയും ഫലം അറിയാന് സാധിക്കും. ഗൂഗിള് പ്ലേ സ്റ്റോറില് നിന്ന് ഈ ആപ്പ് ഡൗണ്ലോഡ് ചെയ്യാവുന്നതാണ്. വ്യക്തിഗത ഫലങ്ങള്ക്ക് പുറമെ സ്കൂള്, വിദ്യാഭ്യാസ ജില്ലാ, റവന്യൂ ജില്ലാ തലങ്ങളിലുള്ള വിശകലന റിപ്പോര്ട്ടുകളും പോര്ട്ടലില് ലഭ്യമാകും. ഫലങ്ങള് പിഡിഎഫ് രൂപത്തിലോ ചിത്രമായോ സോഷ്യല് മീഡിയ വഴി പങ്കുവെക്കാനുള്ള സൗകര്യവും ഇത്തവണ ഒരുക്കിയിട്ടുണ്ട്.
Photo and News Source: Siraj Live
