ചെന്നൈ: തമിഴ്നാട് മുഖ്യമന്ത്രി വിജയ് രാജ്യത്തിന്റെ പ്രധാനമന്ത്രി ആകുമെന്ന് പ്രമുഖ ജ്യോതിഷി രാധൻ പണ്ഡിറ്റ് വെട്രിവേൽ പ്രവചിച്ചു. പ്രധാനമന്ത്രി നരേന്ദ്ര മോദിയുടെ ജാതകത്തിന്റെ പകർപ്പാണ് വിജയ്യുടെ ജാതകമെന്നും, അതുകൊണ്ടുതന്നെ എതിർപ്പുകളൊന്നുമില്ലാതെ ഉയർന്ന സ്ഥാനങ്ങളിലെത്താൻ അദ്ദേഹത്തിന് സാധിക്കുമെന്നുമാണ് വെട്രിവേലിന്റെ വാദം. വിജയ് ജ്യോതിഷത്തിൽ വിശ്വസിക്കുന്നില്ലെങ്കിലും, സ്നേഹത്തിന്റെ അടിസ്ഥാനത്തിലാണ് തനിക്ക് മുഖ്യമന്ത്രിയുടെ ഓഫീസിൽ പ്രത്യേക ചുമതലയുള്ള നിയമനം ലഭിച്ചതെന്നും അദ്ദേഹം വ്യക്തമാക്കി.
വിജയ് മുഖ്യമന്ത്രിയാകുന്നതിന് മുമ്പ്, 2021-ൽ തന്നെ വിജയ് രാഷ്ട്രീയത്തിലേക്ക് അതിവേഗം ഉയരുമെന്ന് പ്രവചിച്ചിരുന്നുവെന്നും, സുനാമിപോലെ ശക്തിയായി രാഷ്ട്രീയ പ്രവേശം നടത്തുമെന്നും വെട്രിവേൽ പറഞ്ഞിരുന്നു. വിജയ് രാഷ്ട്രീയത്തിൽ വലിയ മുന്നേറ്റം നടത്തുമെന്ന പ്രവചനവും അദ്ദേഹം നടത്തിയിരുന്നു. വിജയ് മുഖ്യമന്ത്രിയാകുന്നതിന് മുമ്പ് തന്നെ, അദ്ദേഹത്തിന്റെ രാഷ്ട്രീയ ഭാവി ഉയരുമെന്ന് പ്രവചിച്ചിരുന്നുവെന്നാണ് റിപ്പോർട്ടുകൾ.
വിജയ് മുഖ്യമন্ত্রി സ്ഥാനത്തേക്ക് പ്രവേശിച്ചതിനുശേഷം, മുഖ്യമന്ത്രിയുടെ ഓഫീസിൽ പ്രത്യേക ചുമതലയുള്ള ഉദ്യോഗസ്ഥനായി രാധൻ പണ്ഡിറ്റ് വെട്രിവേലിനെ നിയമിച്ചത് വിവാദത്തിന് വഴിവെച്ചിരുന്നു. ഈ നിയമനത്തിനെതിരെ മദ്രാസ് ഹൈക്കോടതിയിൽ ഹർജി സമർപ്പിക്കപ്പെട്ടിരുന്നു. കോടതി പരിഗണനയ്ക്കെടുക്കുന്നതിനുമുമ്പ് തന്നെ വിജയ് നിയമനം റദ്ദാക്കി ഉത്തരവിറക്കി. ജ്യോതിഷിയെ സർക്കാർ സംവിധാനത്തിൽ ഉൾപ്പെടുത്തിയ നടപടി സഭയിലും ശക്തമായ ചർച്ചകൾക്ക് ഇടയാക്കി. അന്ധവിശ്വാസത്തെ പ്രോത്സാഹിപ്പിക്കുന്ന നടപടിയാണിതെന്നായിരുന്നു പ്രധാന വിമർശനം.
നിയമനം പിൻവലിച്ച തീരുമാനത്തെ സ്വാഗതം ചെയ്ത് സി.പി.എം രംഗത്തെത്തി. തെറ്റുകൾ ചൂണ്ടിക്കാട്ടുമ്പോൾ അതിവേഗം തിരുത്താൻ തയ്യാറാകുന്നത് നല്ല രാഷ്ട്രീയ സമീപനമാണെന്ന് സംസ്ഥാന സെക്രട്ടറി പി. ഷണ്മുഖം പ്രതികരിച്ചു. വിമർശനങ്ങളെ ഉൾക്കൊള്ളുന്ന നിലപാട് തുടരുമെന്ന പ്രതീക്ഷയും അദ്ദേഹം പങ്കുവച്ചു.
രാധൻ പണ്ഡിറ്റ് വെട്രിവേൽ വേദജ്യോതിഷം, സംഖ്യാശാസ്ത്രം, ധ്യാനം എന്നിവയിൽ നാല് പതിറ്റാണ്ടിലേറെ പരിചയമുള്ള വ്യക്തിയാണ്. വിവിധ രാഷ്ട്രീയ നേതാക്കളുടെയും പാർട്ടികളുടെയും ഭാവി പ്രവചിച്ചിട്ടുള്ള അദ്ദേഹം തമിഴ്നാട്ടിലെ മുൻ മുഖ്യമന്ത്രി ജയലളിതയുമായും അടുത്ത ബന്ധം പുലർത്തിയിരുന്നുവെന്നാണ് തമിഴ് മാധ്യമങ്ങളുടെ റിപ്പോർട്ടുകൾ. 2008-ൽ ഡൽഹിയിലേക്ക് താമസം മാറിയ ശേഷം അദ്ദേഹം രാധൻ പണ്ഡിറ്റ് എന്ന പേര് സ്വീകരിച്ചു. രാഷ്ട്രീയത്തിലേക്ക് പ്രവേശിക്കുന്നതിന് മുമ്പേ വിജയുമായി അടുത്ത ബന്ധം പുലർത്തിയിരുന്നുവെന്നും റിപ്പോർട്ടുകളുണ്ട്.
Photo and News Source: Pathram Online
