പട്ടികജാതി വികസന ഫണ്ട് ഉപയോഗപ്പെടുത്തി പെരുമ്പളം ഗ്രാമപഞ്ചായത്തിലെ വിദ്യാർത്ഥികൾക്കായി സംഘടിപ്പിച്ച പഠനോപകരണ വിതരണ പദ്ധതി ശ്രദ്ധേയമായി. അർഹരായ വിദ്യാർത്ഥികൾക്ക് ആവശ്യമായ ലാപ്ടോപ്പുകൾ, പഠനമേശകൾ, കസേരകൾ എന്നിവ ചടങ്ങിൽ വിതരണം ചെയ്തു.
ഗ്രാമപഞ്ചായത്ത് പ്രസിഡന്റ് സി. ആർ. ഗിരീഷ് ലാപ്ടോപ്പ് വിതരണത്തിന്റെ ഉദ്ഘാടനം നിർവഹിച്ചു. വൈസ് പ്രസിഡന്റ് വി. പി. ഷേർലി ഫർണിച്ചറുകളുടെ വിതരണോദ്ഘാടനം നിർവഹിച്ചു. ആരോഗ്യ-വിദ്യാഭ്യാസ സ്ഥിരംസമിതി ചെയർപേഴ്സൺ ഷംനാസ് കരീം ചടങ്ങിൽ അധ്യക്ഷത വഹിച്ചു.
പഞ്ചായത്ത് അംഗങ്ങളായ ജയകുമാർ കാളിപ്പറമ്പ്, കെ. അഭിലാഷ്, അഞ്ജു ഓമനക്കുട്ടൻ, രജനി സുഭാഷ്, പഞ്ചായത്ത് അസിസ്റ്റന്റ് സെക്രട്ടറി കെ. പി. മധു, എസ്.സി. പ്രമോട്ടർ ആദിത്യ എന്നിവർ ചടങ്ങിൽ പങ്കെടുത്തു. വിദ്യാർത്ഥികളുടെ പഠനനിലവാരം ഉയർത്തുന്നതിനും അവർക്ക് മികച്ച സൗകര്യങ്ങൾ ഒരുക്കുന്നതിനുമുള്ള സർക്കാർ പദ്ധതികളുടെ ഭാഗമായാണ് ഈ വിതരണം നടന്നത്.
Photo and News Source: Kerala Kaumudi Latest
